சென்னை மாவட்ட ஆசிரியர் கல்வி மற்றும் பயிற்சி நிறுவனம் (DIET), விலிங்டன் சீமாட்டி கல்வி வளாகம் என்ற வரலாற்றுச் சிறப்புமிக்க இடத்தில் 1990 ஆம் ஆண்டு முதல் இயங்கி வருகிறது. சென்னை மாவட்ட ஆசிரியர் கல்வியிலும் பணித்திறத்திலும் தரத்தை மேம்படுத்துவதை இந்நிறுவனம் தன் இலக்காகக் கொண்டுள்ளது. தமிழ்நாடு அரசு பள்ளிக்கல்வித்துறையின் மாநிலக் கல்வியியல் ஆராய்ச்சி மற்றும் பயிற்சி நிறுவனத்தின் (SCERT) வழிகாட்டுதலுடன் இந்நிறுவனம் இயங்கி வருகிறது. பள்ளிக்கல்வியின் அனைத்து நிலைகளிலும் கல்வித் தரத்தை மேம்படுத்துவதற்கான ஆதாரமாகவும், ஆசிரியர் கல்வி மற்றும் பயிற்சியில் முன்னணி நிறுவனமாகவும் இந்நிறுவனம் செயல்படுகிறது.

நாங்கள் பள்ளிக்கல்வியில் ஏற்படும் சவால்களை கல்வி ஆராய்ச்சிகளின் வழியாகவும், கல்வி வழிகாட்டுதல்களுடன் பள்ளிகளை ஆதரிப்பதாலும், ஆசிரியர் பணித்திற மேம்பாட்டை உறுதி செய்வதன் வழியாகவும் தீர்க்க முயற்சிக்கிறோம். சென்னை மாவட்டத்தில், மாணவர்களிடமும் ஆசிரியர்களிடமும் ஆழ்ந்த சிந்தனையை வளர்க்கும் உள்ளடக்கிய கல்விச் சூழல்களை அனைத்துப் பள்ளிகளிலும் உருவாக்குவதை இலக்காகக் கொண்டு களப்பணியாற்றி வருகிறோம்.